Y mae'r Archifdy yn aelod o'r sustem tocyn darllen cenedlaethol (CARN). Gellir cael tocyn ar y diwrnod yr ydych yn ymweld - ni wrthodir neb heb docyn. I dderbyn tocyn CARN (tocyn sy'n ddilys am 4 mlynedd), rhaid i ddefnyddwyr gyflwyno dogfen sydd yn cynnwys enw, cyfeiriad a llofnod. Ni chodir tal am gerdyn CARN, nid oes angen llun, ac y mae ar gael yn ystod eich ymweliad.
Rydym i gyd o bosib yn cynhyrchu archifau, un ai yn ein gwaith neu ein bywydau preifat drwy ysgrifennu rhywbeth neu drwy dynnu llun. Mae pob eitem yn unigryw, yn llyfr cofnodion, cynllun neu lythyr, felly rhaid cymryd camau pwrpasol i'w diogelu. Wrth fynd i mewn i'r ystafell archifau gofynnir i chwi adael eich bagiau mewn cwpwrdd pwrpasol ac arwyddo cofrestr. Yna rhaid i chi gwblhau ffurflen gais ac fe fydd y staff yn dod a'r dogfennau i chi. Gofynni i chi ddefnyddio penseli wrth edrych ar y ddogfen.
Mae'r staff yn y swyddfa'n gyfeillgar ac yn barod i'ch gynorthwyo a rhoi cyngor er mwyn i chi ymchwilio eich achau.